Impakaammo ti Department of Agricuture (DA) a sublatenda intun 2026 ti pannakaimplementar ti farm-to-market roads (FMRs) manipud iti Department of Public Works and Highways (DPWH).
Gapu iti daytoy, namnamaen ti nasao nga ahensia a makaisalbarda ti agarup 20% a construction costs iti kanito nga iyimplementarda ti FMRs.
Maitunos daytoy iti direktiba ni President Ferdinand “Bongbong” Marcos Jr. a pannakaibaba dagiti construction cost.
Maipalagip a dumanon iti P16-billion ti pondo ti agdama nga administrasion para iti pannakaaramid ti 1,000 kilometers nga FMRs intun 2026.
Nupay kasta, dinoble daytoy ti House of Representatives isu’t gapuna a dumanon itan ti P32 Billion.
Maitunos daytoy iti direktiba ni Presidet Marcos Jr. a maiyakar dagiti pondo ti flood-control iti agricultural infrastructure.
