Impablaak ti Commission on Elections (Comelec) a nakompleton ti panagimprentada iti nasurok 68 million a balota para iti 2025 national and local elections.
Kinunana ti Commission on Elections nga apaman a malpas ti proseso ti verification para kadagiti 68,542,564 a balota ket mamarkaan, maselioan, ken maisagana a maiwaras dagitoy.
Idi Sabado, impakaamo ti nasao nga ahensia a rinugiandan nga ibelleng ti agarup 6 million rejected ballots manipod iti bodega sadiay Santa Rosa, Laguna.
Dagitoy ket agdama a maibiahe iti maysa a paper mill iti Pampanga tapno maibelleng.
Nalpas metten ti Commission on Elections a nagimprenta iti nasurok a kagudua ti 68 million voter information sheets (VIS) a kasapulan para iti Eleksyon 2025.
Sigun kenni Comelec Chairperson George Garcia, agarup 55%—wenno 37 milion a VIS—ti nayimprenta iti satellite facility ti National Printing Office (NPO) manipod idi Marso 14.
Idi Enero, dinutukan ti Comelec ti National Printing Office a maipasigurado ti umno, satisfactory, ken “timely” a pannakayimprenta manen dagiti opisial a balota para iti eleksion iti Mayo nu sadinno, naipalubos a maaramat ti uppat a makina ken dua a makina a ginatang ti South Korean firm a Miru Systems Inc.
