Inwaragawag ti Bureau of Internal Revenue a pabor daytoy iti pannakaingato ti dusa a maipataw kadagiti “tax evaders” iti pagilian.
Sigun kenni Internal Revenue Commissioner Romeo D. Lumagui Jr., suportaranna daytoy agsipudta ar-aramiden dagiti dadduma a korporasion.
Patienna a kasapulan a manayonan ti dusa tapno agannad dagiti ‘tax payers’ ken agtumpalda iti umno a proseso ti panagbayadda iti buis.
Inwaragawag daytoy ti nasao nga opisial, kalpasan ti pannakaipila ti tax evasion complaints kontra kadagiti 23 a korporasion a nairaman iti illegal activities.
Sigun iti BIR, gumatgatang dagiti 23 a korporasion iti ‘ghost receipts’ tapno maliklikanda ti agbayad iti buis.
Ngimmato daytoy iti 1.41-bilion Piso tax deficiency, isu’t gapuna a pabor ni BIR Commissioner Romeo Lumagui Jr. iti pannakaingato ti dusa kadagiti ‘tax evaders’.
