Inaprobaran ni acting Transportations Secretary Giovanni Lopez ti rekomendasyon ti Land Transportation Franchising and Regulatory Board (LTFRB) a maingato ti singil iti pamasahe kadagiti public utility vehicles (PUVs).
Manipud iti P13 nga agdama a minimum fare, maingato daytoy iti P14.
Inaprobaran metlaeng ni Lopez ti rekomendasyon ti LTFRB para iti temporaryo a pannakaingato ti singil iti pamasahe kadagiti UV Express ken taxi.
Maipatungpal ti baru a singil iti plete intun Lunes, Setiembre 28, 2026.
Maibasar iti memorandum, maipatungpal ti mandatory discounts para kadagiti estudiante, senior citizen ken persons with disabilities (PWD).