Impeksa ti Philippine Business for Education (PBEd) ken education stakeholders a saan a nasaayat nga addang ti pannakaipasardeng ti K to 12 program iti pagilian.
Sigun kenni Philippine Business for Education President Chito Salazar, ti nasao nga addang ket makaapekto kadagiti marigrigat nga estudiante.
Inlawlawag ni Salazar a marigatan dagiti nagannak ken pamilya iti dua a tawen a kanayunan iti high school ngem, ad-adda nga agbalin nga anti-poor daytoy no maikkat.
Sigun kenkuana, maikkat ti oportunidad kadagiti estudiante manipud iti low-income families a manggun-od iti skills ken certificates a makatulong kadakuada a makasapol iti trabaho wenno mangbukel iti bassit a negosyo kalpasan ti dua a tawen iti Senior High School.
Bayat a kabaelan dagiti nabaknang a pamilia a mangpaadal kadagiti annakda iti kolehio.
Gapu iti daytoy, idagdagadag ni Salazar iti gobierno nga aksionanda dagiti learning gaps ken i-implementarda ti addaan kaipapanan a panagpasayaat iti eduksyon tapno masigurado ti equity ken employability para kadagiti amin a Filipino learners.
Kabayatanna, indagadag dagiti education advocates iti Department of Education (DepEd) a mangipaayda iti pannakapasayaat ti early grade learning, palawaen dagiti work immersion programs, ken makitinnulong kadagiti pribado nga institusion tapno mapasayaat ti relevance ken employability.
Inyunay-unay dagitoy a ti panagballigi ti K to 12 program iti pagilian ket babaen iti education advocates, nakadipende iti collective action manipud iti gobierno, private sector, educators, ken pamilia.
