--Ads--
MEXICO- Narugianen ti konstruksyon ti maysa nga state-funded reproductive health ken abortion clinic idiay Southern New Mexico.
Panggep daytoy a mang-akomodar kadagiti local residents, ken dagiti tattao nga agbiahe manipud kadagiti kabangibang a lugar kas idiay Texas ken Oklahoma.
Sigun kenni Governor Michelle Lujan Grisham, adda metlaeng dagiti kangrunaan a restrictions sakbay ti nasao nga abortion.
Napundoan met ti nasao a pasdek iti $10 million babaen iti sidong ti 2022 executive order sadiay.
Kinuna ni Grisham a makatulong daytoy kadagiti agkasapulan.
Gapu iti daytoy, manamnama a maileppas ti nasao a pasdek iti uneg ti sangapulo ket walo a bulan a panagtrabaho tapno maipaayan dagiti agkasapulan iti medical ken procedural abortions.
