Inaprobaran ni President Ferdinand Marcos Jr. ti pannakaipasdek ti processing center iti Benguet Agri-Pinoy Trading Center (BAPTC).
Daytoy ket kagiddan ti panagbisitana iti Munisipyo ti La Trinidad, Benguet idi April 17, 2026.
Sigun kenni Department of Agriculture (DA) Secretary Francisco “Kiko” Tiu Laurel Jr., inkari ni Benguet State University (BSU) President Dr. Kenneth Laruan ti lote para iti daytoy.
Impetteng ni DA Sec. Laurel Jr. a daytoy ti makitkitada a medium-long term solution iti agdama.
Gapu iti dayta, inkarina nga ipaayanda iti pondo ita a tawen.
Malaksid iti processing center, manamnama a maikabil ti dehydrator ken freezing facility.
Kabayatanna, aprobado ti pannakarestore ti agdama a cold storage facility iti Benguet Agri-Pinoy Trading Center no sadino, posible a manayunan daytoy.//Bombo Noveh Organo
