Ikonkonsidera ti Department of Justice (DOJ) nga ipatulod sadiay Japan dagiti tulong a nabirukan iti Taal Lake para iti advanced DNA testing.
Sigun kenni Justice Secretary Jesus Crispin “Boying” Remulla, agkurkurang ti pagilian iti technological capacity para iti komplikado a DNA analysis.
Impaganetgetna a ti integridad ti imbestigasion ti umun-una, ken nakasagana ti gobierno a mangbusbos iti aniaman a kasapulan tapno maamuan ti kinapudno.
Innayon ni Remulla nga ipatulodda dagiti tulong iti sabali a pagilian no kasapulan ken gaputa napateg daytoy para iti pannakarisut ti kaso.
Dagiti nasao a tulang ket posible a konektado iti kaso ti pannakapukaw dagiti sabugeros.
Maipalagip a nagkiddaw ti Department of Justice iti tulong sadiay Japan para iti advanced testing dagiti tulang.
Nupay kasta, inaklon ni Remmula nga awan paylaeng ti sungbat ti Japan seknan iti kiddaw ti pagilian.
