Indauluan ni Atty. Rodante Selpaten ti Election officer idiay Bontoc, Mountain Province ti pannakaipatungpal ti roadshow para kadagiti baro nga Automated Counting Machine ita nga aldaw.
Daytoy ket paset ti panagsagana para iti mapadpadaanan a National ken Local Elections inton sumaruno a tawen.
Naangay ti nasao a roadshow iti Municipal Capitol grounds sadiay a nakipasetan dagiti municipal officials, barangay leaders ken empleyado manipud iti Bontoc Local Government Unit, pakairamanan dagiti partner national government agencies .
Inlawlawag met ni Selpaten ti kinapateg ti inisyatiba a panangipatungpal iti nasao a roadshow agsipud ta paset daytoy ti panagregget iti intero a pagilian tapno maipasigurado a mapakammuan dagiti botante babaen iti umno a panagaramat iti baro a makina.
