Posible a maipila manen ti impeachment complaint kontra kenni Vice President Sara Duterte intun 2026, sigun kenni House prosecutor ken Akbayan Rep. Chel Diokno.
Sigun kenni Diokno, mabalin a maipila manen ti impeachment case intun 2026 no pagtalinaeden ti Supreme Court ti desision nga unconstitutional ti naipila a reklamo kontra iti bise presidente.
Inlawlawag daytoy a no talaga nga awan ti pamay-an a temporario a maituloy ti impeachment ita, ti maudi a pamuspusan ket ti pannakaipila ti impeachment complaint intun February 2026.
Kabayatanna, patien ni Sen. Lito Lapid nga uray na-archive ti reklamo kontra iti bise presidente, nasayaat nga agpammalawag latta iti publiko.
Kinunana pay a ti pannaka-archive ti kaso ti impeachment ket saanna a kayatna a sawen nga inosente wenno saan ni VP Sara Duterte.
