Ad-adalen ti Office of the Ombudsman ti pannakaipila ti kaso a civil forfeiture kontra kenni sigud a House speaker Martin Romualdez.
Sigun kenni Interior and Local Government Secretary Jonvic Remulla, determinado ti kabsatna a ni Ombudsman Jesus Crispin Remulla a mangipila iti criminal neglect wenno gross neglect para iti civil forfeiture kadagiti amin nga assets ni Romualdez.
Babaen iti kaso a civil forfeiture, mapalubusan ti gobierno a mangkompiskar wenno mangala kadagiti amin a sanikua ti maysa a tao iti baet nga awan ti naipila a criminal charges.
Maipalagip nga inrekomendar ti DILG idi Desiembre 18 ti pannakaipila ti criminal and administrative charges kontra kadagiti 87 nga indibidual, pakairamanan ti Romualdez.
Mainaig paylaeng daytoy iti flood control scandal iti pagilian.
