Naduktalan ti Department of Justice (DOJ) nga awan ti umdas nga ebidenisa tapno mairaman ni sigud a President Rodrigo Duterte iti iligal a Philippine Offshore Gaming Operators (POGOs) iti Pilipinas.
Sigun kenni Justice Undersecretary Nicholas Felix Ty, maiparparangarang iti imbestigasion ti nasao nga ahensua nga awan ti aniaman a makitada nga ibidensia mainaig kenni sigud a President Duterte.
“There is not enough evidence to link President Duterte to illegal POGO operations. Clearly, when it comes to POGOs, we tackled illegal POGOs at the level of each illegal enterprise.”
Justice Undersecretary Nicholas Felix Ty
“At the level of individual POGOs, we haven’t seen yet any evidence to connect former President Duterte.”
Justice Undersecretary Nicholas Felix Ty
Maipalagip a bayat ti pinal a panagdinggeg ti Senado seknan iti operasion ti Philippine Offshore Gaming Operators idi Nobiembre, imparanag ni Senador Risa Hontiveros ti “matrix” dagiti indibidual a mapapati nga inaramatda ti industria ti panagsugal para iti personal a gunggona.
Karaman iti “matrix” ni Michael Yang, a nagserbi kas presidential adviser iti sidong ti administrasion ni President Duterte.
Idi laeng Hulio, impawil ni President Ferdinand “Bongbong” Marcos Jr. ti amin a Philippine Offshore Gaming Operators kalpasan a sumagmamano kadagiti negosio ket karaman iti krimen pakairamanan ti human trafficking, serious illegal detention, ken money scams.
Immunan nga impasigurado ti Philippine Amusement and Gaming Corporation nga agbalin a “zero” ti Philippine Offshore Gaming Operator iti Pilipinas inton Disiembre a kinse iti agdama a tawen.
