Inaprobaran ti Department of Budget and Management (DBM) ti pannakairuar ti P10.38 billion a mangsuporta iti pannakaipatungpal ti programa a Zero Balance Billing (ZBB).
Panggep daytoy a palag-anen ti pagastosan iti pannakayospital ken mapasayaat ti pannakagun-od iti health care.
Sigun iti DBM, ti naaprobaran a pondo ket mangsuporta iti pannakaipakat ti ZBB kadagiti DOH hospitals iti intero a pagilian ken innem a pilot local government unit (LGU) hospitals.
Dumanon iti P9.38 billion ti nailatang para iti 12 a DOH hospitals iti Metro Manila bayat a nailatang ti nabatbati a P6.04 billion para kadagiti DOH regional hospitals ken dadduma pay a government health facilities iti ruar ti Metro Manila.
Malaksid iti dayta, impaay ti DBM ti P1 billion a mangsuporta iti implementasyon ti ZBB Program kadagiti innem a pilot LGU hospitals iti probinsiya ti Benguet, Batangas, Laguna, Quezon, Aklan ken Sarangani.
Ti naaprobaran a pondo ket agtaud iti pondo ti DOH babaen ti 2026 General Appropriations Act.
