LA TRINIDAD, BENGUET – Umap-apela ti Municipal Health Services Office ti La Trinidad, Benguet iti publiko para iti panagbalin dagitoy nga open wenno silulukat seknan kadagiti isyu a mainaig iti Human immunodeficiency virus, AIDS, ken Sexually Transmitted Infections.
Iti panakiuman ti Bombo Radyo kenni Clement Bilalat, Medical Officer 3 ti La Trinidad Municipal Health Services Office, kidkiddawenna a saanda kuma nga idumduma dagiti inidbidual nga agpaspasidong iti Human immunodeficiency virus testing.
Sigun kenni Bilalat, manarimaan nga ipatpatungpalda ti libre nga HIV screening, chest x-ray screening kadagiti umili a kayatda nga ag-avail kadagiti nasao a serbisyo sadiay La Trinidad Municipal Grounds partikular sadiay La Trinidad Tourism Office.
Malaksid iti dayta, imbinglay ni Bilalat nga agrikusda kadagiti nagduduma a balay pag-inuman wenno bars iti nasao a munisipyo tapno mangidiayada iti libre nga HIV screening.
Kabayatanna, balligi met a naipatungpal ti umuna nga aktibidad ti nasao nga opisina itay napalabas nga AIDS Candlelight Memorial Day tapno malagip dagiti pimmusay nga indibidual gapu iti sexually transmitted infections.
