--Ads--
Idagdagadag ti zero waste advocate nga EcoWaste Coalition kadagiti pagadalan a mangisayangkat ti eco-friendly Brigada Eskwela events a naikeddeng manipud Hunio 9 agingga 13, 2025.
Sigun iti nasao a grupo, makatulong ti ecological Brigada Eskwelas iti panangaramid ti aglawlaw nga awanan iti polusion para kadagiti estudiante sakbay nga aglukat ti school year inton Hunio 16.
Guyguyuguyen pay ti EcoWaste Coalition dagiti makipaset a pagadalan ken indibidual a suruten ti maysa a “set” ti palagip a kas ti panagkessay ti makasabidong a basura, panagkessay ti emissions ken residual waste ken dadduma pay.
