--Ads--
BAGUIO CITY – Maipariten sadiay Abra ti pannakaiserrek ken pannakaiwaras ti sibibiag a baboy, karne ti baboy ken pork products iti aglawlaw ti probinsia.
Inaprobaran ti Sangguniang Panlalawigan ti “African Swine Fever Prevention Ordinance of Abra 2020” tapno maprotektaran ti lokal a swine industry ti Abra manipud iti ASF.
Mamulta iti P5,000 ken posible a makanselar ti lisensia ken permit ti asinoman nga aglabsing iti nasao nga ordinansa.
Maipataw ti kapada a pannusa ken maibalud iti tallo aginggat innem a bulan dagiti matiliwan a mangiserrek iti 25 aginggat 50 a kilo kadagiti maipawil a produkto bayat a maibalud iti innem aginggat 12 a bulan dagiti mangiserrek sadiay Abra iti 50 kilo wenno nasursurok pay a maipawil a produkto
