Maitantan ti Barangay and Sangguniang Kabataan Election ita a tawen kalpasan a pinirmaan ni President Ferdinand Marcos Jr. ti singasing a mailay-layun ti termino dagiti barangay and Sangunaing Kabataan (SK) officials iti uppat a tawen.
Gapu iti dayta, maiyakar intun November 2026 ti eleksion a naituding iti December 2025.
Pinirmaan ni President Marcos Jr. ti Republic Act No. 12232 idi August 13, 2025 a mangbaliw iti agdama a 3 – year term dagiti barangay officials.
Malaksid iti dayta, malimitaran iti three consecutive terms dagiti barangay officials iti maysa a position bayat a matimitaran dagiti SK officials iti maysa a termino.
Iti nasao a linteg, maangay ti sumaruno a barangay and SK elections intun November 2, 2026.
Kabayatanna, agtugaw dagiti mabotosan iti umuna nga aldaw ti December 2026.
Maangay ti election manen kalpasan ti uppat a tawen.
Maipalagip nga immuna a kinuna ni President Marcos Jr. a pirmaanna ti pannakaitantan ti 2025 BSKE, gaputta kasapulan a maipangpangruna ti kaunaan a Bangsamoro Parliament elections intun October 2025.
Inlawlawag ti Presidente a ti pannakaisayangkat ti BSKE intun Desiembre iti agdama a tawen ket mangipaay iti kanayunan a dadagsen iti COMELEC.
