--Ads--
Indipensa ti dua a House leaders ti Republic Act No. 12326 wenno ti pannakaitantan ti 2026 Barangay and Sangguniang Kabataan Election (BSKE) ken pannakailaylayun ti termino dagiti opisiales iti barangay.
Daytoy ket kalpasan a nangipila ni Election lawyer Romulo Macalintal iti petisyon kontra iti nasao a linteg.
Sigun kenni House Senior Deputy Speacker Ferdinand Hernandez, ipatpatungpal laeng ti Kongreso ti bileg daytoy a mangbaliw ken mangurnos iti termino dagiti opisiales ti barangay.
Kabayatanna, impeksa ni House Committee on Suffrage and Electoral Reforms chairperson Rep. Zia Alonto Adiong a constitutional ti nasao a linteg agsipudta dimmalan iti umno a proseso.
