BAGUIO CITY – Inkari ni re-electionist Baguio City Mayor Benjamin Magalong ti panangituloyna iti 31 point agenda wenno dagiti kangrunaan a proyekto ken adbokasiya nga ituloyna iti panangabakna iti eleksion.
Iti inteview ti Bombo Radyo Baguio, nagyaman ni Mayor Magalong iti panagtalek manen dagiti umili ti siudad para tapnu maaramidna dagiti akemna ken mandato a mangidaulo iti Baguio City.
Sigun kenkuana para iti 10 agingga 15 nga tawen a masakbayan ti Baguio City ti karaman kadagiti kangrunaan a proyekto daytoy.
Karamanen ditoy dagiti proyekto a makaawis iti ad-adu a pamastrekan para iti kanayunan a kita ken panagdur-as ti ekonomiya iti siudad.
Inyunay-unayna a kangrunaan a matutukan dagiti proyekto a makatulong a mangsustinir iti ekonomiya ti siudad ken mapasayaat ti trabaho dagiti umili.
Malaksid iti dayta, impeksana ti suportana kadagiti proyekto iti umno a panakaimanihar ti basura iti siduad.
Inkalinteganna pay ti nakwestionaran kabayatan ti panagkampanya daytoy wenno ti market development ti Public Market.
Sigun kenkuana pagrebbengan dagiti residente ti siudad ti Baguio ti nadalus ken awanan ti korapsion a merkado publiko manipod kadagiti oportunista.
