Imbilin ti Pasig Regional Trial Court (RTC), maiyakar ni dismissed Bamban, Tarlac Mayor Alice Guo iti Pasig City jail Female Dormitory manipud iti Camp Crame.
Iti surat nga inruar ti Pasig Regional Trial Court Branch 167, awan ti mabalin a maipaay a pyansa kenni Guo gapu ta non-bailable dagiti kaso daytoy.
Maipalagip a sumangsango ni Guo ken dagiti kakaduana iti nagtutuon a kaso kas iti panaglabsingda iti Anti-Trafficking in Persons Act of 2003, Expanded Anti-Trafficking in Persons Act of 2012 ken ti Expanded Anti-Trafficking in Persons Act of 2022.
Kadua ni Guo da Huang Zhiyang ti mapapati a “boss of all bosses” ti illegal Philippine Offshore Gaming Operators (POGOs).
Iti baet dayta, awan paylaeng ti komento ni Guo seknan iti pannakaiyakar daytoy.
