Imbilin ti Sandiganbayan Third Division a maiyakar ni sigud nga Speaker ken Leyte Representative Martin Romualdez iti Philippine General Hospital sadiay Manila manipud iti Cardinal Santos Medical Center intun September 12 iti oras ti 10 am.
Sigun iti anti-graft court, nasay-sayaat a maisayangkat ti “independent examination” kenni Romualdez iti UP-Philippine General Hospital tapno maberipikar ti medical examination nga insayangkat dagiti doktor ni Romualdez.
Babaen metlaeng iti daytoy, maammuan no kasapulan ti agtultuloy a pannakaibaludna iti medical facility.
Immuna a kiniddaw ni Romualdez ti hospital detention iti Cardinal Santos ken kinunana a naibasar iti pre-existing heart ken brain-related problems daytoy.
Sumangsango ni Romualdez iti P7.4-billion plunder charges kaduana ti sigud a mammanday lineg a ni Zaldy Co ken dadduma pay nga indibidual.
