--Ads--
Imbilin ti Pasig City Regional Trial Court ti pannakakanselar ti passport da sigud a presidential spokesperson Harry Roque ken Katherine Cassandra Li Ong a sumangsango iti kaso seknan iti human trafficking a mainaig iti Lucky South 99 POGO hub sadiay Pampanga.
Imbilin daytoy ni Judge Ana Teresa Cornejo-Tomacruz ti Regional Trial Court Branch 157 iti Department of Foreign Affairs.
Malaksid iti dayta, imbilinna pay iti Bureau of Immigration ti pannakaipaulog ti hold departure kontra kenni Ong.
Maipalagip a karaman ni Roque ken Ong, kadagiti nainaganan iti kaso ti panaglabsing iti Sections 4(i), 6, ken 10 ti Anti-Trafficking in Persons Act.
