Pinaglibakan ti pannakangiwat ti Senate impeachment court a ni Reginald Tongol ti akusasyon nga agserserbi daytoy nga abogado para kenni Vice President Sara Duterte.
Daytoy ket kalpasan nga inakusaran ti pannakangiwat ti House prosecution panel a ni Antonio Bucoy a ni Tongol ket mangisingsingasing iti maysa a legal strategy para kenni Duterte.
Sigun kenni Tongol, saan daytoy nga agserserbi nga abogado para iti maysa laeng a partido nu diket, nakabasar ti ibagbagana kas maysa nga abogado, ken kas maysa a nakisarsarita kadagiti dadduma nga abogado iti dadduma a tay-ak.
Kidkiddawen ni Tongol a raemenda kuma ti Senado kas maysa nga impeachment court.
Maipalagip a napilaan ti reklamo ni Vice President Duterte iti panaglabsing iti Konstitusion, bribery, graft and corruption, betrayal of public trust ken dadduma pay a nangato a krimen, nangruna ti mapapati a saan a nasayaat a panagaramatna iti P612.5 million a confidential funds.
