La Trinidad, Benguet- Generally peaceful ti panakaobserbar ti All Saints Day idiay Munisipyo ti La Trinidad idi kalman.
Iti panakiuman ti Bombo Radyo kenni Police Captain Dindo Salming ti Provincial Highway Patrol Team iti probinsya ti Benguet, kinunana nga awan ti untoward incident a napasamak kadagiti sementeryo sadiay Buyagan, La Trinidad.
Dinakamatna nga nupay ada ti nanggandat a nangipastrek iti kutsilyo, ti panggep kuma laeng dagitinay nang-awit iti nasao a kutsilyo ket para iti panang sliceda kadagiti prutas nga awitda.
Saan met a nagkedked dagiti nang-awit iti kutsilyo nga ibatida pay pansamantala diay awitda a patalim idiay nay police assistance desk.
Iti sabali a bangir, gapu iti presensya dagiti nagduduma a grupo wenno teams kas iti kapulisan ken barangay tanods ket naipasigurado met ti safety dagiti indibidual nga apan nagbisita kadagiti tanem ti minatayda.
Malaksid iti dayta, nu man idilig idi agsapa ket medyo immado dagiti indibidual nga appan nagbisita kadagiti sementeryo isu’t gapuanan ti nailet a taray ti trapiko partikular idiay kalsada paturong Buyagan Public Cemetery ken Pyramid Memorial Park.
Nupay kasta, kinuna pay ni Police Captain Salming nga umdas met dagiti bilang ti pulis ken highway patrol group a mangimanmando iti nay trapiko.//G
