Indagadag ni Bicol Saro Partylist Rep. Terry Ridon ti gobierno nga ikonsidera ti pannakapapanaw ti sumagmamano nga empleyado ti Chinese Embassy iti Pilipinas, imbes nga ideklara ti Chinese ambassador a persona non grata.
Sigun ken ni Ridon, agtultuloy ti panangbabalaw ti social media account ti Chinese Embassy ken dagiti opisyalna iti gobierno ti Pilipinas.
Daytoy ket iti baet ti kalepleppas a panagkita da Foreign Affairs Secretary Ma. Theresa Lazaro ken ti Embahador ti China a ni Jing Quan.
Impaganetget ni Ridon nga adda kenni President Ferdinand Marcos Jr. ti maiyannatup nga addang kontra iti ambassador.
Kabayatanna, inyunay-unay ni Batangas Rep. Gerville Luistro a saan a rumbeng nga agbalin a biktima dagiti Pilipino iti pambubully mainaig iti kinuna ti Chinese ambassador a nalaka a maparmek ti Pilipinas no mangisayangkat dagitoy iti pwersa.
Sigun kenni Luistro, rumbeng a respetuen dagiti ganggannaet ti Pilipinas, ken masapul a resituen ti gobierno dagitoy nga isyu.
