Impeksa ni Ma. Cynthia Coronel Abalos, wenno nalatak iti nagan nga Inang Malaya, maysa a community figure iti siudad ti Baguio ti kapanunotanna seknan iti panggep ti siudad a pannakarehabilitate ti Session Road inton umay a tawen.
Iti pannakiuman ti Bombo Radyo, kinunana a naragsakan met daytoy iti nasao a panggep iti un-una gapu kadagiti naimatanganna a presentasyon seknan iti nasao a proyekto.
Nupay kasta, impeksana a kasapulan metlaeng nga ikonsidera ti agbalin nge epekto daytoy kadagiti pakabuklan a komunidad iti siudad a mangar-aramat iti nasao a kalsada.
Impettengna met a maysa kadagiti kangrunaan a pakaseknan na ket ti maipanggep ti ecology no sadino posible a magaraw dagiti kayo a naimula iti center aisle ti Session Road, a nabayagen a naimula.
Impeksan a napintas met ti disensyo nga inpresenta dagiti architects seknan iti panggep a panangpalawa iti Session Road.
Nupay kasta, kinunana a kuwestionable ti pannakadamat a maikat ti entiramente a maikat ti center aisle, kayatna a sawen, posible a maikat dagiti kayo sadiay.
Mainaig iti dayta, impeksana a nagduduma ti kapanunotan ti tattao seknan iti nasao nga issue no sadino adu dagiti mangibagbaga nga imbes a rehabilitasyon ti Session Road, adadda a matutukan kuma ti pannakatarimaan ti multi-level parking.
Kagiddan dayta, impettengna a kasapulan a raemen ti pakasaritaan dagiti nagduduma a lugar iti siudad pakairamanan dagiti kayo idiay Session Road. //kcs//
