Baguio City- Nangipila ti maysa a resolusyon ni Benguet Lone District Rep. Eric Go Yap idiay Kamara tapno kiddawen ti dagus a pannakasuspendir ti excise tax kadagiti produkto a petrolyo.
Iti maysa a House Joint Resolution, agpanpanawagan daytoy kenni President Ferdinand Marcos Jr. nga aramaten na ti emergency powers na tapno maartapan ti tallo a bulan a panaguray tapno masuspendir ti excise tax kadagiti produkto a lana iti sidong ti Republic Act No. 10963, wenno ti Tax Reform for Acceleration and Inclusion Law.
Naipila daytoy nga addang gapu met laeng iti agsisinnaruno a panagngato ti presyo ti lana nu sadino, dimmanon pay iti agarup dua a piso tunggal litro ti diesel ken gasolina idi napalabas nga aldaw nu sadino naikonektar ti panagngato dagitoy a produkto gapu iti panagrikep ti Strait of Hormuz iti kumarkaro a tensyon ti militar a pakairamramanan ti Amerika, Israel ken Iran.
Sigun pay kenni Yap, agnumar ken agbenepisyo ditoy dagiti mannalon ti Benguet a pagtataudan ti agarup 80% ti highland vegetables iti pagilyan nu sadino, nu kumaro ti krisis idiay Middle East ket maapektaran ti nasao nga industriya.
Innayon pay ti manmanday linteg a nu ngumato ti presyo ti petrolyo ket mapilitan a mangipangato met dagiti truckers iti singir da iti delivery fee kadagiti nateng rason nu apay a mang apektar kadagiti presyo ti nateng.
Inlawlawag na pay a nu saan a masuspendir ti excise tax ket adda posibilidad na nga maikumon iti utang dagiti kaaduan a mannalon.
Iti palawag met dagiti grupo dagiti mannalon ket nu nangato ti presyo ti petrolyo ken maigiddan ti nakapsot a demand ti nateng ken maiserrek dagiti smuggled vegetables ket mangitunda iti chain reaction a mang apektar iti prodyusers ken konsyumers.//Bombo Jordan Tablac
