Indatag dagiti civil society ken advocacy organizations ti legislative agenda dagitoy kadagiti kandidato iti masungad nga eleksion.
Nangaramid ti Human Rights and People Empowerment Center (HRPEC) ken sangapulo ket innem a society groups ti 12-point electoral agenda tapno maigiya dagiti kandidato bayat ti kampania ken bayat ti terminoda nu nabutosan dagitoy.
Kinunanada a numan pay masapul a maiyunay-unay ken sentro ti human rights wenno karbengan ti tao iti masungad nga eleksion, rumbeng met a maikkan ti atension dagiti economic ken social rights— kas iti sustainable food systems, fair labour conditions, ken liveable communities — bayat a mapaspasaran ti climate emergency.
Indagadag pay dagiti grupo kadagiti kandidato a siguraduenda ti hustisia para kadagiti biktima ti extrajudicial killings, enforced disappearances, ken dadduma pay a krimen nga inisponsoran ti gobierno.
Inrekomendarda pay ti pannakaikkat ti kontrobersial a National Task Force to End Local Communist Armed Conflict wenno NTF-ELCAC, nga addan iti red-tagging spree idi panawen ti administrasion ni sigud a President Rodrigo Duterte.
Idi laeng 2024, indeklara ti Korte Suprema a ti maysa nga indibidual nga adda pakainaiganna iti communist revolution ket mangbukel iti pangta iti kalinteganda iti biag, wayawaya, wenno kinatalged.
Sigun iti koalision kadagiti kandidato, rumbeng a maikonsidera a criminal ti red-tagging.
Karaman iti electoral agenda-da ti pannakawaswas ti Anti-Terror Law, nga adu a grupo ti nagamak idi administrasion ni Duterte a mabalin nga usaren dagiti otoridad a manglabsing iti karbengan dagiti tattao.