Kidkiddawen ti sangapulo ket lima nga ubbing ti suporta ti gobierno kalpasan a napapanaw dagiti amada a ganganaet a sigud a mangmanggaed iti Philippine Offshore Gaming Operator (POGO), sigun iti the Presidential Anti-Organized Crime Commission (PAOCC).
Sigun kenni PAOCC executive director Gilbert Cruz, dagiti ubbing ket maladaga agingga agtawen ti tallo.
Kinuna ni Cruz a tunggal lawas ket agturturong dagiti ina dagiti ubbing iti opisinada nga agdawat ti paggatangda ti gatas, pampers ken pagbayad ti apartment.
Kinuna pay ti nasao nga opisial a saanda a pinatgan dagiti ubbing nga agtalianed iti detention center, ngem impaayanda ti suporta a kasapulanda.
Makikikoordinar metten ti Presidential Anti-Organized Crime Commission (PAOCC) iti Department of Social Welfare and Development (DSWD) seknan iti nasao a banag.
