--Ads--
Inaklon ti Presidential Anti-Organized Crime Commission (PAOCC) a sumagmamano kadagiti personnel dagitoy ti makaaw-awat iti death threats wenno pangta kagiddan ti pangimbestigarda kadagiti iligal a Philippine Offshore Gaming Operator (POGO) hubs iti pagilian.
Sigun kenni Presidential Anti-Organized Crime Commission spokesperson Winston John Casio, nakaawat dagitoy iti pangta ngem patienna a wagas laeng daytoy tapno pangbutbuteng kadakuada.
Gapu iti daytoy, kinuna ni Casio a kasapulanda nga agannad ken agbalin a nasiput.
Impasigurado met ni Casio a mintineren dagitoy ti panangimbestigarda tapno maamuan dagiti adda iti likudan dagitoy.//Rose
