Nadismaya ni Davao City Representative Paolo Duterte ti panakadutok ni Jesus Crispin Remulla kas baro nga Ombudsman.
Iti statement, kinuna ni Duterte nga iti kinaado iti problema dagiti nakatugaw iti agdama, patienna a kasapulan dagitoy iti tulong tapno makaluban ti aramidda uray kayat a saw-en ket agrigna maysa a mockery iti Constitution.
Sigun kenni Duterte, adda kaipapanan ti panakadutok ni Remulla iti nasao a posisyon.
Ti Ombudsman ket maysa nga independent constitutional office a mangad-adal ken mangipila iti kaso kontra kadagiti opisyales iti gobyerno a karaman iti korapsyon.
Maipalagip nga idi laeng kalman ket naiwaragawag ti panakapili ni Remulla kas baro nga Ombudsman kasaruno ti panagretiro ni Samuel Martires idi laeng Hulyo.
Ni Remulla ket immuna a nagserbi a Secretary iti Department of Justice(DOJ).
Manamnama nga opisyal nga agtugaw daytoy iti baro a posisyonna inton Biernes, October 10.
Mainaig iti dayta, daduma a grupo ti nangipeksa iti panagdanagda iti posible a conflict of interest iti panagtakem ni Remulla iti posisyon a rumbeng koma nga awanan iti impluwensya iti gobyerno.
Nupay kasta, impetteng met ti Palasyo Malacañang a ligal ket nainkalintegan ti nagbalin a proseso iti panakdutok kas Ombudsman ni Boying Remulla.
