Maysa a parcel a naglaon ti maatap a marijuana nadiskubre bayat ti K9 inspection nga impatungpal ti otoridad iti maysa a courier iti syudad.
Iti initial a report, bayat a mangipatpatungpal ti joint K9 inspection ti operatiba ti Baguio City Police Office Station 4 Ken PDEA-CAR LTIU/RSET Bravo iti maysa a courier hub iti syudad ti baguio, maysa a parcel ti nakitaan ti K9 Dog a posible a naglaon ti maatap a marijuana.
Apaman a nadiskubre daytoy, inpahold ti head office ti nasao a courier manipud taguig city.
Maysa nga empleyado ti nasao nga establishimento ti nadutukan a manglukat iti parcel kalpasan nga in-authorized daytoy ti head officeda.
Dita metten a nadiskubre ken nakumpiskar ti agarup 1.06 a kilo ti maatap a dried marijuana leaves nga addaan SDP a PHP 127,200.00.
Ti nasao a maatap nga illegal a droga ket nabalkut iti plastic bags ken napacking tape iti maris brown sakbay a naikahon.
Malaksid iti dayta, nadiskubre metlaeng iti uneg ti box ti agarup 0.02 grams ti maatap a grounded a dried marijuana a naka heat sealed iti plastic nga addaan SDP a P240.00 sakbay a naibalkot manen iti nangisit a plastic.
Nakumpiskar metlaeng dagiti plastic ken kahon, nakaikabil dagiti maatap nga illegal a droga pakairaman ti stickers a naipasurit iti parcel.
Dagiti maatap a drug evidence a nakumpiskar ket naiturung iti PDEA office para ti qualitative examination bayat a ti non-drug evidence ket naiturnover iti Investigator-on-Case para iti umno a kustodiya ken dokumentasyon.
Manarimaan nga im-imbestigaran daytoy dagiti otoridad ken posible a sumango ti indibidual a nakanagan iti nagtaudan ken pagturungan ti nasao a parcel iti panaglabsing ti Republic Act No. 9165 wenno Comprehensive Dangerous Drugs Act of 2002.//Bombo Noveh Organo
