BAGUIO CITY – Agtultuloy ti panakibinnadang ti Baguio City Police Office (BCPO) iti manarimaan a BRIGADA ESKWELA ti Department of Education (DepEd) para iti panagrugi ti school year 2022-2023.
Sigun kenni BCPO spokeperson PLt. Angeline Dongpaen, aktibo ti partisipasyon ti pulisya kadagiti nagduduma a programa ti education sector para iti umadanin a panagseserrek.
Maysa kadagiti kangrunaan nga ipasdek ti BCPO kadagiti nagduduma a pagaladan iti siyudad ket ti Student Assistant Desk nu sadino ditoy nga agkammang dagiti nagannak, estudyante ken mannursuro nu adda ti agbalin a parikut.
Innayon ni Dongpaen nga ad-adda pay nga ingetan da ti mobile ken foot patrol kadagiti pagadalan tapno maipaayan iti naan-anay a seguridad dagiti estyudante.//Jordan Tablac
