Manarimaan paylaeng ti panakabiruk ti suspek iti pammagsol a napasamak idiay Km4. Asin Road, Baguio City itay nabiit.
Ti biktima ket maysa a taxi driver nga agtawen iti 37 bayat a ti suspek ket pasahero daytoy.
Sigun iti kapulisan, imbinglay kadakuada iti witness a nakitana nga agap-apa ti biktima ken ti suspek iti main road.
Kabayatan ti panagapada ket nagdara ti tengnged ti biktima ken dagus met a timmaray ti suspek iti saanen nadakamat a direksyon.
Kasaruno dayta, naglugan ti biktima iti motorsiklo ti witness tapno maiturong daytoy iti pagagasan.
Iti agdama, addan iti stable a kasasaad ti biktima ken agtultuloy ti panagpatamingna.
Kabayatanna, adda metten iti ima iti SOCO ti tactical knife nga inaramat ti suspek a nangbagsol iti biktima kalpasan a narekober daytoy iti nakapasamakan ti insidente.//Bombo Noveh Organo
