BAGUIO CITY – Temporaryo a naaladan ti paset ti Pico Creek sadiay Barangay Pico, La Trinidad, Benguet gapu iti panagibelleng iti basura dagiti residente sadiay.
Naamuan pay a sumagmamano kadagiti carrot washers ti mangbugbuggo iti lako dagitoy a carots iti nasao a waig.
Sigun kenni PCI Benson Macli-ing, hepe ti La Trinidad PNP, ado kadagiti residente sadiay ti kanayon nga agibelbelleng iti basurada iti waig.
Kinunana a gapu iti daytoy ket maysa ti nasao a waig kadagiti bambantayanda nupay saan a prayoridad ti pulisia a mangtiliw kadagiti iligal nga agibelbelleng iti basura sadiay.
Gapu iti daytoy ket kidkiddawenna iti lokal a gobierno ti La Trinidad ti panangimuntarda iti permanente nga alad sadiay tapnu awanen dagiti mang-ugas ti carrots ken dagiti residente nga agbasura sadiay.
