Agtultuloy ti pannakaanup ni Pastor Apollo Quiboloy, bayat a maysa daytoy a “fugitive from justice” kalpasan ti panangliklikna kadagiti arrest warrant nga impaulog ti nagtipon a grupo ti National Bureau of Investigation (NBI) ken ti Philippine National Police (PNP).
Sigun kenni Arcelito Albao, chief ti National Bureau of Investigation idiay Davao City, saan a narigatan ti joint team a simrek iti compound ni Quiboloy iti “prayer mountain” iti nasao a lugar, bayat nga awan ti pakasarakan ti nasao a founder ti Kingdom of Jesus Christ (KOJC) ministry.
Sigun pay iti nasao nga opisyal, patien dagitoy nga adda pay laeng ni Quiboloy iti pagilian gaputa, adda pay laeng dagiti sanikuana kas iti eroplano ken dadduma pay. Malaksid iti dayta, impakaamo dagiti joint team daytoy a sumagmamano laeng nga aldaw a saanda a nakitkita ti nasao a pastor.
Iti agdama, manarimaan ti panaganup dagiti otoridad kenni Quiboloy ken ti dua a personal assistants daytoy, kalpasan a nakemmeg dagiti tattlo a kaduada iti kampus ti Jose Maria College ken Tamayong properties ti Kingdom of Jesus Christ, ngem nawayawayaan dagitoy kalpasan a nagpiyansada ti P8,000 iti tunggal maysa.
