Impakaammo ni Department of the Interior and Local Government (DILG) Secretary Benjamin Abalos Jr. nga adda pailaeng ni Kingdom of Jesus Christ founder Apollo Quiboloy iti pagilian a Pilipinas kas maibasar iti report a naipaay kenkuana.
Kasaruno daytoy ti naipadamag a nakapanawen iti pagilian ni dismissed Bamban, Tarlac Mayor Alice Guo ken adda daytoyen idiay Indonesia.
Ni Pastor Quiboloy ket sapsapulen ita dagiti otoridad gapu iti nagtutuon a kaso a sangsangoenna pakairamanan ti child abuse, sexual abuse, ken qualified trafficking.
Impetteng met ni Abalos nga ar-aramiden amin dagiti otoridad dagiti kabaelanda tapno matiliw ni Quiboloy ken saan a makapanaw iti Pilipinas.