Nilawlawagan iti Baguio City Health Services Office ti sayanggusing a dumanonen iti dua ti nailista a kaso iti Mpox iti Baguio City.
Daytoy ket kasaruno ti nakumpirmar a kaso iti ipupusay ti agtawen iti 32 a lalaki gapu iti nasao a sakit nu sadino, maatap a daytoy ket nagnaed iti siudad.
Iti interview kenni Baguio City Health Services Officer Dr. Celia Flor Brillantes, kinunana a saan a maibilang a kaso iti Baguio City ti ipupusay ti nasao nga indibidwal gapu ta nabayag a saan a nagnaed daytoy iti siudad sakbay a naalana ti virus ken idiay metlaeng Manila a nadiagnose.
Impetteng ni Brillantes a maysa laeng ti nakumpiramar a kaso iti Mpox iti Baguio City nu sadino, ti biktima nga agtawen iti 28 ket naapektaran iti Clade II ken iti agdama ket natamingen.
Innayon ti doktor a naala ti biktima ti virus manipod iti partnerna nga immunan a naaddaan iti nasao a sakit idi napan a bulan ngem dagus metlaeng a nalaingan.
Sigun iti doktora, saan a mairaman daytoy iti bilang ti Mpox case iti siudad nu di ket maysa laeng a suspected case gapu ta saan a naswab ti nasao nga indibidwal sakbay a nataming.
Kabayatanna, maiyunay-unay latta ti panagridam iti publiko tapno maliklikan ti panakaapektar dagitoy iti anyaman a viral infection.//Bombo Rob Dominguez
