Impakaamo ti World Organization for Animal Health (WOAH) iti Pilipinas ti panagraira ti highly pathogenic H5N2 bird flu kadagiti pato iti likudan dagiti babbalay.
Sigun iti nasao nga organisasion a nakabase idiay Paris, naduktalan ti virus iti sangapulo ket lima manipud iti uppat a gasut duapulo ket walo a “backyard ducks” iti probinsia ti Camarines Norte.
Napasamak ti panagraira idi bulan ti Nobiembre ken nakumpirmar idi bulan ti Disiembre.
Ti avian influenza, wenno nalatak iti awag a bird flu, ket nagwaras iti intero a lubong kadagiti napalabas a tawen, a nangitunda iti pannakapapatay ti ginasgasut a milion a manok.
Inlawlawag ti nasao nga organisasion a ti H5N2 bird flu ket naiduma iti sakit ti ipupusay ti maysa a lalaki idiay Estados Unidos.
