Awan iti panggep nga aglusulos iti puesto ni President Ferdinand “Bongbong” Marcos Jr., sigun iti Malacañang, kasaruno iti kinuna iti kampo ni Vice President Sara Duterte a nakasagana daytoy a sumukat
Sigun kenni Palace Press Officer Undersecretary Claire Castro, tungtungpalen ti Presidente dagiti rebbengenna ken agtartrabaho para iti pagilian ken umili.
Pinaglibakan metlaeng ni Castro ti alegasion iti kamp ni Duterte a konkontrolen iti Malacañang ti sumagmamano a senador, pulis, ken dadduma pay nga opisial seknan iti impeachment case iti Bise Presidente.
Ginuyugoy ni Castro ni Duterte a sangwen dagiti isyu a sangsangwenna, karaman ti panagaramat iti confidential funds ken ti grave threat case seknan iti mapapati a panggep a panangpapatay kenni President Marcos, ti asawana ken sigud nga House Speaker Martin Romualdez.
