--Ads--
Impasigurado ni President Ferdinand “Bongbong” Marcos Jr. a saan a makanggeg ti publiko ti aniaman a pangta wenno saan a nasayaat a balikas manipod kadakuada.
Daytoy ket bayat ti panagkampaniada idiay Pasay City idi kalman.
Inlukat ni President Marcos ti panagbitlana babaen ti panangibagana a kitkitaenna no natalged dagiti kandidatona manipod iti panagbettak ti bomba.
Kasaruno ti kinuna ni sigud a President Rodrigo Duterte a pattayenna dagiti sangapulo ket lima a senador babaen ti panagbomba kadagitoy, tapno makastrek ti amin a senador nga inyendorsona.
Inlawlawag met ti kaalyado ni sigud a President Duterte nga agang-angaw laeng isuna ngem nangipila ti Criminal Investigation and Detection Group kontra kenkuana iti Department of Justice.
