Inawagan ni Presidente Ferdinand Marcos Jr. a “crazy” wenno nauyong ti natiliw a Russian vlogger a ni Vitaly Zdorovetskiy kalpasan a nabuyana no kasano ti wagas nga inaramid ti ganggannaet kadagiti Pilipino kadagiti videona.
Ti reaksion ti presidente ket mabuya iti social media account daytoy a naipablaak idi kalman.
Ni Zdorovetskiy — a na-tag kas undesirable alien — ket sumangsango iti reklamo a kriminal gapu iti mapapati a panangriribukna kadagiti security guard ken panangtakawna iti industrial fan manipud iti maysa a panganan bayat ti livestreaming-na iti maysa a mall sadiay Taguig City idi Marso 31.
Gapu iti inaramidna, nakapungtot ti publiko kalpasan pay a nangisawang daytoy ti saan a nasayaat a pagsasao iti maysa a Filipino surfing instructor sadiay Boracay ” bayat ti safety briefing.
Inyebkas met ti Department of Tourism ti suportana kadagiti ahensia a mangipapatungpal iti linteg iti panangsigurado a madusa ni Zdorovetskiy gapu iti saan a nasayaat a panagtratona kadagiti Pilipino iti Pilipinas.
Itay laeng Abril a siete, imparang ni Interior Secretary Jonvic Remulla Remulla ni Zdorovetskiy iti media idiay Quezon City.
Naposasan ti vlogger ken kinaduan ti dua a kameng ti Bureau of Immigration.
