--Ads--
Kayat ni President Ferdinand ”Bongbong” Marcos Jr. a maaddaan iti high-level engagement discussions wenno panagsarita iti Iran tapno maipasigurado ti natalged a panagbiahe dagiti barko a paturong iti Pilipinas iti Strait of Hormuz, kasaruno ti agdama a tension idiay Middle East.
Sigun kenni Palace Press Officer Undersecretary Atty. Claire Castro, binilinen ti presidente idi Lunes, bayat ti panagtaripnong iti UPLIFT committee, ti Department of Foreign Affairs (DFA) nga asikasuen ti nasao a banag.
Panggep ti nasao nga addang nga ipasigurado ti kinatalged dagiti Pilipino a nakalugan iti barko ken kessayan ti aniaman a pangta a mabalin nga itunda iti tension iti rehion.
