Binanatan ni Senator Imee Marcos ti Palasyo Malacañang kasaruno ti naipakaammo a panagsakit ti kabsat daytoy a ni President Ferdinand Marcos Jr.
Iti statement ni Senator Marcos, patienna a nagsakit ti kabsatna gapu ta awan ti mangay-aywan iti daytoy idiay Palasyo.
Kinunana nga awan ti pudpudno a mangipatpateg iti kabsatna iti Palasyo ken addaan dagitoy kadagiti bukodda nga agenda.
Gapu iti dayta,binalakadanna ti kabsatna nga ipangruna daytoy ti salun-atna ken tallikudan nan dagiti tattao a kadwana iti Palasyo Malacañang.
Kagiddan dayta, binanatanna metlaeng dagiti inladawanna a “feeling presidente” a patienna a nagduduma manen ti ub-ubraenda.
Kabayatanna, sinungbatan met ni Palace Press Officer Undersecretary Atty. Claire Castro ni Senator Marcos nu sadino,kinunana a saan a rumbeng a pagang-angawan ti salun-at ti presidente.
Impettengna a saan a rumbeng nga agpakaplastic iti sangwanan ti publiko nu mangipapaay iti pammagbaga.
Maipalagip a ni President Marcos Jr.ket nadiagnose iti diverticulitis— maysa a kondisyon mainaig iti colon.
Nupay kasta,saan a nagbayag daytoy iti pagagasan ken dagus a nagsubli iti trabahona nu sadino, impatalgedna a saan a life-threatening ti kondisyon daytoy ken awan ti rumbeng a pagdanagan seknan iti salun-atna.
