Patien ni President Ferdinand Marcos Jr. a nalawlawag ken naparpartak ti proseso no personal a sumango ni Vice President Sara Duterte iti impeachment court idiay Senado.
Sigun iti Presidente, nasaysayaat no direkta a sumungbat iti bise presidente imbes a babaen laeng kadagiti abogadona, nopay personal nga opinionna daytoy ken saan a legal a balakad.
Innayonna pay a no isuna iti adda sitwasyon, pilienna a sanguen dagiti pammabasol ken sungbatan dagitoy, uray maikontra iti balakad ti abogadona.
Imbilin ti impeachment court ni Duterte nga umatindar personal man wenno babaen ti abogado iti panagdingngegna inton bigat, Hulio 6.
Maipalagip a sangsangoen ni VP Sara dagiti akusasyon a iti di umiso a pannakausar iti confidential funds, mapagduaduaan a kinabaknang, panagkikiol, ken grave threats.
Pinalibakenna me daytoy ket sigun kenkunana dagiti nasao nga alegasyon ket maysa laeng a “fishing expedition.”//BomboKhey
