Saan a nangipaulog ni President Ferdinand “Bongbong” R. Marcos Jr. ti direktiba tapno maamyendaran ti Philippine Constitution, sigun kenni Presidential Communications Office Undersecretary and Palace press officer Claire Castro.
Daytoy ket kinuna ni Castro idi nadamag isuna iti detalye nu nangipaayen ni President Marcos iti direktiba iti Senado ken Kongreso nga agtignay iti Charter Change.
Itay laeng napalabas, nagballaag gamin ni Vice Presidnet Sara Duterte iti publiko a mapapati a panggep ni President Marcos Jr. a baliwan ti konstitusion.
Idi met nadamag ni Castro seknan iti panggep ti agdama nga administrasion iti pannakabalbaliw ti Konstitusion iti sumaruno a Kongreso, kinuna ni Castro a saanda pay a napagsasaritaan ti nasao a banag.
Maipalagip nga itay laeng napalabas, kiniddaw ni President Marcos iti House of Representatives nga adalen ti singasing a pannakaamyendar ti sumagmamano a probision iti Konstitusion.
