Agtalinaed a saan a makibiang ni President Ferdinand Marcos Jr. kadagiti maipila nga impeachment complaints kontra kenni Vice President Sara Duterte.
Kinuna ti presidente nga awan ti reaksyonna kadagiti naipilan nga impeachment complaints kontra iti bise presidente gapu ta saanen a saklawen ti trabahona daytoy.
Impetteng ni President Marcos Jr. nga ipaturayna ti nasao a pakaseknan iti Kamara a responsable iti panakatingiting dagiti impeachment complaints.
Kagiddan dayta, impeksana ti kumpiansana a tingitingen a nasayaat daytoy ti Kongreso.
Maipalagip a naipila ti dua nga impeachment complaints kontra kenni VP Sara partikular ti insumitir ti Makabayan Coalition ken ti sabali pay a civil society organization.
Kinumpirmar met ni House Secretary General Cheloy Garafil a nai-transmit dagiti nasao a reklamo iti opisina ni House of Representatives Speaker Faustino “Bojie” Dy III idi kalman.
