Nangisayangkat ti Philippine Coast Guard’s (PCG) BRP Teresa Magbanua kadagiti “radio challenge” kadagiti barko ti China Coast Guard a naimatangan iti baybay a paset ti Zambales.
Sigun iti Philippine Coast Guard, naimatangan dagiti barko ti Chinese Coast Guard (CCG) iti 70 agingga 80 nautical miles manipod iti baybay idiay Zambales ken nangaramid iti “erratic movements.”
Impakaamo dagiti kameng ti Philippine Coast Guard iti Philippine Coast Guard nga agop-operate dagitoy iti Exclusive Economic Zone (EEZ) ti Pilipinas.
Napaliiw ti Philippine Coast Guard a ti Coast Guard vessel 3103 ket nasukatan iti vessel 3304 iti kinamalemanna.
Kabayatanna, immunan nga inwaragawag ti Philippine Coast Guard a ti barko ti Chinese Coast Guard (CCG) a 5901, wenno ti aw-awaganda a “monster ship” ket pimmanawen iti baybay a paset ti Zambales kalpasan a naimatangan daytoy iti nasao a lugar idi Enero a kuatro.
