Kinontra ni Philippine Coast Guard (PCG) spokesperson Rear Admiral Jay Tristan Tarriela ti insawang ti maysa nga iskolar ti China a kukua ti China ti Ayungin Shoal.
Sigun kenni Tarriela, naipasidung ti Ayungin iti mismo nga Philippines’ exclusive economic zone (EEZ).
Nagramot ti panagsinnungbat ni Tarriela ken Dr. Zheng Zhihua manipud Shanghai Jiao Tong University iti diskusyon iti singasing a Code of Conduct (COC) iti nagbaetan ti China ken ASEAN, kalpasan nga inkalintegan ti iskolar a ti panangaramat ti China Coast Guard iti water cannon ken pamay-anda laeng tapno depensaan ti teritoryo dagitoy.
“China only uses water cannons as a big power. I think if other countries occupy your land territory, you only use water canals to defend your territory integrity,” sigun kenni Zheng.
“I would just like to correct you in saying that China does not have any territorial jurisdiction whatsoever in Second Thomas Shoal,” sigun met kenni Tarriela
“The last time I checked, Second Thomas Shoal only has a distance of 125 nautical miles from the Philippines. And it is our exclusive economic zone, not China’s,” innayon pay daytoy.
Dagos met a nagsarita ti Indonesia Scholar a ni Dr. Dewi Fortuna Anwar no sadino impeksana a rumbeng nga ag-intervene ti ASEAN iti panangpalamiis iti tensyon idiay South China Sea.
Binalakadanna met ti China a rumbeng a makikoordinar ti China kadagiti ASEAN member stares imbes a mangaramid daytoy kadagiti addang a saan met a mangrisut iti nasao a territorial disputes.











