BAGUIO CITY – Agtugawen kas baro a regional director ti Police Regional Office Cordillera (PROCOR) ni PCSupt. Rolando Nana manipud iti Manila Police District.
Kasaruno daytoy ti change of command iti baro a liderato ti Police Regional Office Cordillera (PROCOR) ita nga agsapa Camp Bado Dangwa, La Trinidad, Benguet.
Sigun kenni PCI Carol Lacuata, public information officer ti PROCOR, maiyakar ken agserbi a regional director sadiay CALABARZON ni PCSupt. Edward Carranza.
Indauluan ni CIDG Director Chief Supt. Roel Obusan ti seremonya para iti nasao a change of command.
Naamuan a ni General Nana ket miyembro ti PMA Class of 1985, tubo ti Mapandan, Pangasinan ngem dimmakkel ken nagadal ditoy siudad ti Baguio ken agdama a residente ti Navy Base Barangay.
Nagserbi pay daytoy kas dadaulo ti Apayao PNP.
Maipalagip met a nagtugaw kas Regional Director ti PROCOR ni General Carranza idi Enerno ti agdama a tawen.
Paset daytoy ti panagbalasa nga impatungpal ti liderato ti Philippine National Police kadagiti nangangato nga opisyal ti organisasyon ken dagiti sumagmamano a regional directors.
